نفهم...

تعرفوا سعات واحد قد ما يسكر فموا و يشد قلمو و الكلافيي متاعو أحسن و خير خاصة في الوقت هذا و يخلي كل واحد يعمل ويقول ويتكتك و يكمبن ويسب كيما يحب هوا(مع العلم أنا مع ممارسة كل هذه الأشياء بحرية)و أنا باش نمارس حريتي
إعتقادي أنو
هاذي مرحلة فرز و لن يبقى الا الصلب وسيتساقطون.
أما لازم تعرفو الي باش نبقو أقلية ترجع للمربع الأول و تعاود من الأول أقلية معزولة على الريوس الكبار و ضدهم كيما البنات متاع لاتيلاك و أيوب و وليد .
ماكمش باش تكون من أولويات الساسة الا في تصفيتكم.
نحب نقللكم
أنا لا أثق لا في الدولة و لا في المسؤولين فقط أثق في نفسي و الي نعرف و تعلمت نعملو.
مانيش مستعد باش نرد البعابص روس
مانيش بوق دعاية لحتى معركة ماتعنينيش
مانيش مضمون لحتى جهة
السلطة تغير الأفراد و الجماعات, هذاكا علاش ماهيش طموحي,
السلطة يجب أن تعرى و تمسح مساحيقها.
المستهدف في السلظة هي الحلقات الصغرى و المحلية.
الشعارات الكبرى والا تعنيني
الناس الي مستعدة للحجرة حجرة للخطوة خطوة أرجعوا فيقوا البهتة وفا وقتها , هذا وقتكم تفكروا و تهندسو.
أخطاكم مالحس الي لبرا عرفتكم انتم تخلقوه.
الأعداء مراتب لا حلفاء فيها
للحلفاء مصالح لا تلاعب بها
للسياسة أهداف لا أخلاق معها
الشعب هو الأكثر دهاءا أما أكبر بخلى
النصوص و الرموز و الشعارات كان ما عادش تأثر أهجرها
هذه مرحلة فرز و هم الآن يتساقطون
الأقليات تحتاج لقيادة ضيقة و خلفية و أنا نشوفها مفتوحة و غير معلنة
ما نستحقوش اسم نجمو نعملو أسماء
نستحقوا جسد مكتمل الأعضاء
الي موش معاك موش بضرورة ضدك
الي يتحكم في الناس ماهوش أذكى منى هو فقط عندو امكانيات أكثر
الهدف موش التحكم في الأفراد الهدف تسليحهم بالأدوات اللازمة باش يتحرروا...و سامحونا عالقلق,,,